ყაზახეთში მიმდინარეობს რეფერენდუმი კონსტიტუციის შეცვლის საკითხზე

15 მარტს დილიდან დაიწყო რეფერენდუმი ყაზახეთის ახალი კონსტიტუციის მიღების საკითხზე. - ამის შესახებ წერს რადიო თავისუფლების ყაზახური რედაქცია. საარჩევნო უბნები გახსნილი იქნება ადგილობრივი დროით 07:00-დან 20:00 საათამდე. ზოგიერთი უბანი, ძირითადად სამხედრო ნაწილებში, 06:00 საათზე გაიხსნა. ბიულეტენში მხოლოდ ერთი შეკითხვაა: ეთანხმებიან თუ არა მოქალაქეები ახალ კონსტიტუციას, რომელიც 2026 წლის 12 თებერვალს გამოქვეყნდა. ხმის მიცემა შესაძლებელია მხოლოდ მთელი დოკუმენტისათვის - მისი მხარდაჭერის ან უარყოფის ფორმით.