იტალიის არასამთავრობო ორგანიზაციამ ჰამასს შვიდი მილიონი ევრო გადაურიცხა

იტალიის ხელისუფლებამ გამოავლინა სქემა, რომლის მიხედვითაც პალესტინელებისთვის ჰუმანიტარული დახმარების საფარქვეშ შეგროვებული თანხები ჰამასისთვის გადაირიცხებოდა. ჰამასი აშშ-ისა და ევროკავშირის მიერ ტერორისტულ დაჯგუფებად არის აღიარებული. „კორიერე დელა სერას“ ცნობით, 2001 წლიდან, ძირითადად 2023 წლის 7 ოქტომბრის მოვლენების შემდეგ, ამ გზით შვიდ მილიონ ევროზე მეტი გადაირიცხა. მაშინ შეიარაღებული პალესტინური დაჯგუფებები სამხრეთ ისრაელს დაესხნენ თავს, ათასზე მეტი ადამიანი მოკლეს და 250-ზე მეტი მძევლად აიყვანეს და ღაზის სექტორში გადაიყვანეს.