ახალი ამბების სააგენტოებს აღარ ექნებათ მუდმივი ადგილი აშშ-ის პრეზიდენტის ღონისძიებების გაშუქების ჯგუფში

ახალი ამბების სააგენტოებს აღარ ექნებათ მუდმივი ადგილი ჟურნალისტების ვიწრო ჯგუფში, რომელიც პრეზიდენტ დონალდ ტრამპის საქმიანობას აშუქებს, იუწყება სააგენტო „როიტერსი“, თეთრი სახლის განცხადებაზე დაყრდნობით. დონალდ ტრამპის ადმინისტრაციის მოსვლამდე, სააგენტოები „ასოშიეიტედ პრესი“, „ბლუმბერგი“ და „როიტერსი“ შედიოდნენ პრეზიდენტის გაშუქების მუდმივ ვიწრო ჯგუფში. თებერვალში თეთრმა სახლმა „ასოშიეიტედ პრესი“ ამორიცხა ასეთი ჯგუფიდან მას შემდეგ, რაც სააგენტომ უარი თქვა, ტრამპის ბრძანებისამებრ, „ამერიკის ყურედ“ მოეხსენიებინა აშშ-ის სამხრეთით მდებარე წყლები.