მსხვერპლი მოჰყვა უკრაინაზე რუსული დრონებით მორიგ შეტევას
სულ მცირე, 3 ადამიანი დაიღუპა და 34 დაშავდა უკრაინის ქალაქ ხარკოვში, რომელსაც რუსეთის ჯარებმა გასულ ღამით ისევ შეუტიეს უპილოტო საფრენი აპარატებით.
საოლქო პროკურატურის ინფორმაციით, ერთ-ერთი დრონი მოხვდა ორსართულიან სახლს, რომლის ერთი სადარბაზო მთლიანად დაინგრა. სამძებრო-სამაშველო სამუშაოები გრძელდება.
ხარკოვის საოლქო პროკურატურის ცნობით, დრონებით ექვსი დარტყმა იყო ქალაქ ხარკოვის ნოვობავარის რაიონზე. დაზიანებულია 30-მდე მრავალსართულიანი სახლიც.
განახლება: დღეს, 4 აპრილს, დილით მაშველებმა ხარკოვში, სახლის ნანგრევებში, იპოვეს კიდევ ერთი ცხედარი.
Заголовки