13 ადამიანი დაიღუპა რუსეთის მიერ ზაპოროჟიეს დაბომბვის შედეგად
უკრაინელმა მაშველებმა 8 იანვარს, ღამით დაასრულეს მუშაობა ქალაქ ზაპოროჟიეს რაიონში, რომელიც რუსეთის ჯარებმა დღისით დაბომბეს.
ხანძრის ლიკვიდაციის და სამძებრო-სამაშველო სამუშაოების დასრულების შემდეგ, უკრაინის ეროვნულმა პოლიციამ განაცხადა, რომ დაიღუპა 13 და დაშავდა 63 ადამიანი.
პოლიციის ინფორმაციით, რუსეთის საოკუპაციო ძალებმა ზაპოროჟიეს ორჯერ დაარტყეს მართვადი ავიაბომბებით, რომლებიც „ინფრასტრუქტურული ობიექტის ადმინისტრაციული ნაწილის“ მახლობლად და გზის სავალ ნაწილზე აფეთქდა.
ადგილობრივი ხელისუფლება კონკრეტულ ობიექტს არ ასახელებს.
Заголовки