The Insider: გრუ თალიბებს ფულს უხდიდა აშშ-ის სამხედროთა მოკვლისთვის

რუსეთის დაზვერვას ავღანეთში მჭიდრო კავშირი ჰქონდა თალიბანთან და 2010-იან წლებში ამერიკის ჯარების წინააღმდეგ ტერორისტულ თავდასხმებს აფინანსებდა. ამ დასკვნამდე მივიდა The Insider-ისა და Spiegel-ის ჟურნალისტების მიერ ჩატარებული გამოძიება. გამოძიების თანახმად, 2016 წლიდან 2020 წლამდე თალიბანმა თავდასხმებისა და ტერაქტების სერია განახორციელა ავღანეთში აშშ-ის სამხედრო ბაზებზე და მათ უშაულო სიახლოვეს. მოკლულებსა და დაშავებულებს შორის იყვნენ არა მხოლოდ ამერიკელი სამხედროები, არამედ ავღანეთის სამხედრო მოსამსახურეები და მშვიდობიანი მოქალაქეები.