საგარეო უწყება: დაკავებული Eagle S-ის ეკიპაჟს ბორტის დატოვება გამოძიების დასრულებამდე ეკრძალება
საგარეო საქმეთა სამინისტროში რადიო თავისუფლებას განუცხადეს, რომ ფინეთის ხელისუფლების მიერ დაკავებული ტანკერის ეკიპაჟის წევრებს, მათ შორის საქართველოს მოქალაქეებს, ბორტის დატოვება გამოძიების დასრულებამდე ეკრძალებათ. საქართველოს მოქალაქეები დაკავებული ტანკერის - Eagle S-ის - ბორტზე იმყოფებიან. ფინეთის პრესის თანახმად, გემის კაპიტანია დავით ვადაჭკორია, ხოლო ეკიპაჟის წევრებს შორის, ქართველებთან ერთად ინდოეთის მოქალაქეები არიან. სხვადასხვა წყაროს ცნობით, გამოძიება შესაძლოა თვეების განმავლობაში გაგრძელდეს.
Заголовки