უკრაინელმა სამხედროებმა, სავარაუდოდ, შეტევა დაიწყეს კურსკის ოლქის ქალაქ სუჯიდან

უკრაინელმა სამხედროებმა, სავარაუდოდ, შეტევა დაიწყეს კურსკის ოლქის ქალაქ სუჯიდან. ამის შესახებ წერენ რუსი „სამხედრო კორესპონდენტები“ და „Z-არხები“. ამის შესახებ განაცხადა ასევე უკრაინის ეროვნული უსაფრთხოებისა და თავდაცვის საბჭოს დეზინფორმაციის წინააღმდეგ ბრძოლის ცენტრის ხელმძღვანელმა ანდრი კოვალენკომ. ეს ინფორმაცია ირიბად დაადასტურა უკრაინის პრეზიდენტის ოფისის უფროსმა ანდრი ერმაკმა, რომელმაც დაწერა: „კურშჩინა, კარგი ამბებია, რუსეთი იღებს იმას, რასაც იმსახურებს“. უკრაინელთა იერიში ფაქტობრივად დაადასტურა რუსეთმაც.