ზელენსკი: უკრაინა ვერცერთ სახელმწიფოს ვერ დართავს ნებას, მისი სახელით ელაპარაკოს პუტინს

უკრაინის პრეზიდენტმა ვოლოდიმირ ზელენსკიმ განაცხადა, რომ არცერთ ქვეყანას და არცერთ ლიდერს არ აქვს უფლება, უკრაინის სახელით ელაპარაკოს რუსეთს. ზელენსკი თვლის, რომ ნებისმიერი დიალოგი კრემლთან შესაძლებელია მხოლოდ მოქმედების შეთანხმებული გეგმით და ძალის პოზიციიდან. ზელენსკიმ ამის შესახებ Le Parisien-ს უთხრა, აშშ-ის არჩეულ პრეზიდენტ დონალდ ტრამპთან შეხვედრის შედეგების შესახებ საუბრისას. უკრაინის პრეზიდენტის თქმით, მისი ქვეყანა თვითონ განსაზღვრავს თავის მომავალს და არცერთ სხვა ქვეყანას და პოლიტიკურ ლიდერს არ აქვს უფლება, უკარნახოს მას პირობები.