ჰეზბოლამ და ირანმა განაცხადეს, რომ ჰამასის ლიდერის, სინვარის მკვლელობა გააძლიერებს ისრაელისადმი წინააღმდეგობას

ლიბანში ირანის მხარდაჭერით მოქმედმა გასამხედროებულმა დაჯგუფება ჰეზბოლამ 18 ოქტომბერს განაცხადა, რომ ისრაელის წინააღმდეგ ომში ახალ, მწვავე ფაზაზე გადადის. ამასობაში ირანმა განაცხადა, რომ „წინააღმდეგობის სული გაძლიერდება“ მას შემდეგ, რაც მოკლულ იქნა რადიკალური პალესტინური დაჯგუფება ჰამასის ლიდერი იაჰია სინვარი (ჰამასი აშშ-სა და ევროკავშირში ტერორისტულ ორგანიზაციად არის აღიარებული). სინვარი, რომელიც 2023 წლის 7 ოქტომბრის თავდასხმის ორგანიზატორად ითვლება, 17 ოქტომბერს იქნა მოკლული ღაზის სექტორში ისრაელის არმიის ოპერაციის შედეგად.