კობახიძემ ევროპული საბჭოს პოზიცია დაუკავშირა ევროკავშირზე „გლობალური ომის პარტიის“ გავლენას

საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე უპასუხა შეკითხვას, რომელიც ევროპული საბჭოს დასკვნაში საქართველოზე ჩანაწერს ეხებოდა. კობახიძემ საქართველოს მთავრობის მოქმედებებზე დასმული შეკითხვის საპასუხოდ უკრაინისა და მოლდოვის შესახებ ილაპარაკა. „ამ დროს უკრაინას და მოლდოვას აქვს დადებითი შეფასებები, სადაც ერთმანეთზე მიყოლებით ხურავენ ტელევიზიებს, პოლიტიკურ პარტიებს, არ არსებობს არც მედიაპლურალიზმი, არც პოლიტიკური პლურალიზმი, ყვავის კორუფცია, არის უმძიმესი პრობლემები...