დასავლელმა ლიდერებმა ბერლინში განიხილეს ვოლოდიმირ ზელენსკის "გამარჯვების გეგმა"

ნატოს ზოგიერთმა წევრმა მხარი დაუჭირა უკრაინის პრეზიდენტ ვოლოდიმირ ზელენსკის მიერ შეთავაზებულ „გამარჯვების გეგმას“, იტყობინება 18 ოქტომბერს Bloomberg-ი. ზოგიერთი მოკავშირე თანხმდება, რომ ალიანსში უკრაინის დაჩქარებული გაწევრიანება შეიძლება იყოს პუტინის რეჟიმზე ზეწოლის „პოტენციური ბერკეტი“. თუმცა, ბლუმბერგის წყაროები აღნიშნავენ ამ საკითხთან დაკავშირებით უთანხმოებას ნატოს ზოგიერთ წევრს შორის. აშშ-ის პრეზიდენტმა ჯო ბაიდენმა 18 ოქტომბერს ბერლინში ვიზიტისას მოუწოდა მოკავშირეებს, „ხელები არ ჩამოყარონ“.