ბაქოსთან ყარაბაღელების მოლაპარაკებას ჯერჯერობით შედეგი არ მოუტანია

თვითგამოცხადებული მთიანი ყარაბაღის რესპუბლიკის ხელმძღვანელობამ პარასკევს განაცხადა, რომ არანაირი შედეგი არ მოჰყოლია აზერბაიჯანთან მოლაპარაკებებს უსაფრთხოების შესაძლო გარანტიების ან ამნისტიის შესახებ. თვითგამოცხადებული რესპუბლიკა არცახის (ყარაბაღის სომხური სახელწოდება) ხელმძღვანელის მრჩეველმა დავიდ ბაბაიანმა განაცხადა, რომ „კონკრეტული შედეგები ჯერჯერობით არ არის“.   აზერბაიჯანი ამნისტიას სთავაზობს ყარაბაღის თავდაცვის ძალების იმ წევრებს, რომლებიც იარაღს დაყრიან, თუმცა ზოგიერთმა პირობა დადო, რომ გააგრძელებს წინააღმდეგობას.