მედიის ცნობით, ირანზე დრონებით თავდასხმა ისრაელმა განახორციელა
ირანის ისპაჰანის პროვინციაში, სამხედრო-სამრეწველო ობიექტზე უპილოტო საფრენი აპარატებით შეტევა ისრაელმა განახორციელა. ამის შესახებ რამდენიმე მედიასაშუალება წერს ინფორმირებულ წყაროებზე დაყრდნობით.
დრონებით თავდასხმა 28 იანვარს, ღამით მოხდა. ირანის თავდაცვის სამინისტროს ოფიციალური განცხადების მიხედვით, 1 უპილოტო საფრენი აპარატი საჰაერო თავდაცვის სისტემამ ჩამოაგდო, 2 კი - აფეთქდა, თუმცა, მსხვერპლი არ მოჰყოლია, არც ობიექტის მუშაობა შეფერხებულა და მხოლოდ სახურავი დაზიანდა.
ირანის თავდაცვის სამინისტრომ ობიექტი არ დააკონკრეტა.
Заголовки