Խաղաղապահները հեռացան, ՀՀ-ն դեռ ՀԱՊԿ-ում է, եռակողմ փաստաթղթից ստորագրությունը հետ չի կանչել. 2024-ը չհանգուցալուծեց հայ-ռուսական վեճը

Ռուս խաղաղապահների հեռացում Լեռնային Ղարաբաղից, «Զվարթնոց»-ից սահմանապահների դուրսբերում, նոյեմբերի 9-ի հայտարարության և ՀԱՊԿ-ի շուրջ չդադարող վեճ․ տարվա ընթացքում հայ-ռուսական հարաբերությունների թնջուկն առավել խճճվեց: Ռազմական դաշնակիցներ համարվող Հայաստանն ու Ռուսաստանը, որ երրորդ տարին է, միմյանց մեղադրում են հարաբերութունների վատթարացման համար, 2024-ի գլխավոր վեճն ունեցան, երբ 44-օրյա պատերազմից հետո Լեռնային Ղարաբաղում տեղակայված ռուս խաղաղապահներն անաղմուկ լքեցին հայաթափված...