Կրեմլը կոչ է արել Telegram հաղորդակցային հավելվածի ստեղծող, ընկերության ղեկավար Պավել Դուրովին ավելի ուշադիր հետևել հավելվածին, քանի որ այն հաճախ օգտագործվում է ահաբեկչական նպատակներով:
Կրեմլի պաշտոնական ներկայացուցիչ Դմիտրի Պեսկովը Shot թելեգրամյան ալիքի հետ զրույցում ասել է, որ Ռուսաստանի տարածքում Telegram-ի արգելափակման ծրագրեր չկան, սակայն այն փաստը, որ մեսենջերը հաճախ օգտագործվում է ահաբեկիչների կողմից տեղեկատվության փոխանակման համար, պահանջում է նաև Պավել Դուրովի ուշադրությունը։