Լեռնային Ղարաբաղում ռուսաստանցի խաղաղապահներ են զոհվել

Լեռնային Ղարաբաղում մեքենայի գնդակոծման հետևանքով ռուսաստանցի խաղաղապահներ են զոհվել։ Այս մասին հաղորդում է Ռուսաստանի պաշտպանության նախարարությունը՝ նշելով, որ այս պահին միջադեպի հանգամանքները պարզելու նպատակով տեղում աշխատում են ռուսական և ադրբեջանական քննչական մարմինների ներկայացուցիչները։ Ռուսաստանի ռազմական գերատեսչությունը չի հայտնում զոհերի թիվը, ոչ էլ, թե հատկապես որ շրջանում է տեղի ունեցել միջադեպը։