Քաբուլում նախագահական պալատի մոտակայքում պայթյուն է որոտացել․ կան տուժածներ

Աֆղանստանի մայրաքաղաք Քաբուլում պայթյուն է որոտացել։ Այս մասին հայտնում է ՌԻԱ Նովոստին՝ տեղի աղբյուրներին հղումով։

Հաղորդվում է, որ պայթյունը տեղի է ունեցել Քաբուլի երկրորդ թաղամասում, որտեղ էլ գտնվում են նախագահական պալատն ու մի շարք կառավարական շենքեր։

Քաղաքի ոստիկանության ներկայացուցիչ Խալիդ Զադրանի խոսքով՝ պայթյունի հետևանքով տուժել է առնվազն երկու մարդ, իրավապահները հետաքննություն են սկսել։

Նա նաև հայտնել է, որ պայթուցիկ սարքն ամրացված է եղել մեքենայի թափքին։