"Къаьсттина кхерамечарна" хIиттийна хьелаш ду? Шайн цIенна уллорчу набахте дехьа ца боху нохчий

ТаӀзарш кхочушдаран Федералан урхалло дуьхьало йина Нохчийчохь гIаттамхошца дакъалаьцна ву аьлла, таIзар дина Джантемиров Докка нохчийн набахте дехьаваккха. Оьрсийчоьнан оппозицин политик Немцов Борис верна бехкевинчу Бахаев Хьамзатан аьтто белира цӀенна гергарчу колоне ша дехьаваккхийта. Оцу кепара къестамаш бар стенца доьзна хила йиш йу-те аьлла, и хаттар дийцаредира тхан редакцино эксперташца. Оьрсийчохь Джантемиров Доккина велла дIаваллалц набахтехь йаккха шозза хан кхайкхийра, республика йозуш йоцуш хила луучийн агIонча а хилла...