МЗС Расеі сфальсыфікаваў пераклад пытаньняў францускай журналісткі наконт Ірану і ахвяр расейскай агрэсіі ва Ўкраіне

МЗС Расеі сказіў пытаньні і выказваньні журналісткі France 2 Леі Саламэ аб дапамозе Крамля Ірану і ахвярах вайны ва Украіне пры перакладзе на рускую мову яе інтэрвію з міністрам замежных спраў Сяргеем Лаўровым. На вэрсію са скажэньнямі на YouTube-канале ведамства зьвярнулі ўвагу журналісты FranceInfo. У арыгінале Саламэ заўважыла, што мала чуваць аб тым, каб Расея абараняла Іран як свайго саюзніка (з 28 лютага вайскоўцы Злучаных Штатаў сумесна з Ізраілем наносяць удары па краіне ў рамках апэрацыі «Эпічная лютасьць»).