The Times напісала, што спэцпасланьнік Трампа прапанаваў падзяліць Украіну «амаль як Бэрлін». Келаг заявіў, што яго словы сказілі

Брытанская газэта The Times апублікавала 11 красавіка інтэрвію са спэцыяльным пасланьнікам прэзыдэнта ЗША Трампа па Ўкраіне і Расеі Кітам Келагам. У ім ён прапанаваў свой плян пасьляваеннага падзелу Ўкраіны — на тры часовыя зоны адказнасьці. Келаг пазьней напісаў, што ня меў на ўвазе падзел Украіны.