Як узбэцкая фірма, зьвязаная зь сям’ёй прэзыдэнта, зарабіла мільёны на «палюбоўных угодах». Расьсьледаваньне Радыё Свабода

Малавядомая кампанія, зьвязаная зь сямʼёй узбэцкага прэзыдэнта Шаўката Мірзіёева, атрымала сакрэтныя дзяржаўныя кантракты больш як на 100 мільёнаў даляраў, у тым ліку на пастаўку прыроднага газу па завышанай цане найбуйнейшаму вытворцу цэмэнту ў краіне, высьветліла ўзбэцкая служба Радыё Свабода.