Güzgü

Fevralın 6-da Azərbaycanda daha iki jurnalist həbs olunub. Artıq ölkədə 30-dan artıq jurnalist, ictimai fəal qaçaqmalçılıq və digər ittihamlarla həbsdədir. Onlar ittihamları peşə fəaliyyətləri ilə əlaqələndirirlər. Nyu-Yorkda yerləşən Jurnalistləri Müdafiə Komitəsi Bakıda son 15 ayda 21 jurnalistin saxlandığını, Azərbaycanın ən çox jurnalistin həbsdə olduğu 10 ölkə sırasında yer aldığını bildirir. Rəsmilər jurnalistlərin sırf peşə fəaliyyətinə görə həbs olunduqları ilə bağlı deyilənlərlə razılaşmır, bunu onların əməlləri ilə izah edir.