“Razminka” davam edir – Almaniya! (TƏƏSSÜRAT)

Dünəndən Almaniyadayıq. ETOPAZ Qətərdə keçirilən Dünya Çempionatının İspaniya – Almaniya oyununa (1:1) səfər təşkil etdiyi kimi, AVRO-2024 üçün də layihəni gerçəkləşdirdi.

Biz Dortmundda keçiriləcək Türkiyə – Gürcüstan oyununu canlı izləməkçün burdayıq.

Dortmundda hava limanı olmadığı üçün Düsseldorfda məskunlaşmışıq.

Dünyanın ən böyük sənaye ölkələrindən birinin ən böyük sənaye şəhərlərindən birində elə yaşıllıq, elə təmiz hava var ki, heç Lerikdə, Şəkidə belə deyil.

Düsseldorf bizi yağışlı havayla qarşıladı.