Миләүшә Таминдарова: Мин «кәнфит» түгел идем - «Шәһри Казан»

(Казан, «Татар-информ», «Шәһри Казан», Илгизә Галиуллина) Аның сәхнәгә чыгуы – үзе бер перформанс. Татарстан Дәүләт камера хорына да ул яңа сулыш өрде. Чын ут, энергия ул. Кызыклы, үзенчәлекле әңгәмәдәш. Ә иң мөһиме – әңгәмәдә яңгыраган фикерләр «каяндыр укылган, ятланган» түгел.

Миләүшә Әмировна, сезнең әти-әниләрегез икесе дә фронтовиклар. Ә сез сугыштан соң туган бала. Ничек уйлыйсыз, бу сезнең тәрбиягездә чагылыш табамы?

Әлбәттә. Мин ике фронтовик, ике коммунист кызы булуымны аңлап үстем.