Мирзиёев ва Мелони: Тошкентда стратегик шериклик янги босқичда

19 январ куни Ўзбекистон президенти Шавкат Мирзиёев Тошкентда қисқа фурсатга тўхтаган Италия бош вазири Жоржа Мелони билан учрашди. Учрашувда Ўзбекистон–Италия стратегик шериклигини янада мустаҳкамлаш, ҳамкорликни эса амалий лойиҳалар орқали кенгайтириш масалалари муҳокама қилинди.

Суҳбат давомида 2025 йил май ойида Самарқандда олий даражада эришилган келишувлар изчил амалга оширилаётгани мамнуният билан қайд этилди. Бу — қоғозда қолиб кетадиган “чиройли режа” эмас, аксинча, ҳаракатга айланган йўналиш экани таъкидланди.