Хорижда вафот этган ўзбекистонликларнинг жасадини олиб келиш учун фирибгарликлар кўпаймоқда

Ижтимоий тармоқларда хорижда бўлиб турган ўзбекистонликларнинг вафот этган жасадларини олиб келиш учун турли пластик карта рақамлари орқали пул йиғиш ҳолатлари кўпаймоқда. Ўзбекистон Республикаси Вазирлар Маҳкамаси ҳузуридаги Миграция агентлиги ушбу ҳолатлар ҳақида маълумот берди.

Агентликнинг таъкидлашича, айрим шахслар эски ва нотўғри маълумотлардан фойдаланиб, одамларнинг ҳис-туйғуларини манфаатлари учун ишга солмоқда. Бу турдаги фирибгарликлар жамиятда ишончсизлик ва чалғитишга олиб келаётгани айтилган.