Disney+ Кевин уйини улкан ширин печеньедан қурди

“Уйда ёлғиз” фильмининг 35 йиллиги муносабати билан Disney+ АҚШнинг Лос-Анжелес шаҳрида кино тарихидаги энг машҳур уйлардан бирининг улкан “gingerbread”, яъни ширин хамирдан тайёрланган нусхасини барпо этди. Лойиҳа нафақат байрам кайфиятини улашди, балки жаҳон рекорди билан ҳам тарихга кирди.

Маълум қилинишича, иншоот тўлиқ “gingerbread”дан ясалган бўлиб, муз билан қопланган уйнинг баландлиги 8 метр, узунлиги эса 18 метрга тенг. У расман Гиннеснинг рекордлар китобига тарихдаги энг катта “gingerbread” уй сифатида киритилди.