“Насаф” Осиёнинг энг зўрлари орасида куч синашга чиқади

Ўзбекистоннинг ҳозирги амалдаги чемпиони, Суперлига пешқадами “Насаф” жамоаси навбатдаги мавсумда ўзини қитъанинг энг кучли клублари сафида синаб кўради. Қаршиликлар Осиё футбол конфедерацияси томонидан ташкил этиладиган Элит Осиё Чемпионлар Лигасида (ACL Elite) мамлакат шарафини ҳимоя қилади.

Эслатиб ўтамиз, янгиланган Элит ОЧЛ форматида ҳар бир мамлакатга чекланган сонда квота ажратилган. Ўзбекистонга ушбу нуфузли мусобақада фақат битта ўрин берилди ва унинг эгаси сифатида “Насаф” клуби тан олинди.