بقايي؛ ایران به ډیر ژر د اټومي پروګرام په اړه د امریکا د نه منلو وړ وړاندیز ته منفي ځواب ورکړي
د ایران د بهرنیو چارو د وزارت ویاند اسماعیل بقايي وايي، ډیر ژر به د امریکا د نه منلو وړ وړاندیز په ځواب کې د اټومي هوکړې لپاره خپله بدیله طرحه وړاندې کړي.
رویترز خبري اژانس له دې وړاندې راپور ورکړی و چې تهران د امریکا متحده ایالتونو له خوا په مې میاشت کې د اټومي پروکرام په اړه وړاندیز شوې طرحه ته منفي ځواب چمتو کوي.
اسماعیل بقايي نن دوشنبې وویل، "د اټومي پروګرام په اړه د امریکا وړاندیزونه د ایران لپاره د منلو وړ نه دي، موږ به خپله نهايي طرحه چې "معقوله، منطقي او متوازنه " ده د عمان له لارې امریکا ته وړاندې کړو".
Заголовки