Италияда мураббийлар инқилоби: Спаллетти терма жамоадан кутилмаган тарзда кетмоқда!

Италия миллий терма жамоаси бош мураббийи Лучано Спаллетти учун бу ҳафта профессионал фаолиятидаги энг қийин кунларнинг бири бўлиб қолди. 66 ёшли тажрибали мутахассис терма жамоани тарк этишини расман маълум қилди. Унинг истеъфосини талаб қилган киши эса Италия футбол федерацияси (FIGC) президенти Габриэл Гравина бўлди.

Айтилишича, бу қарорнинг қабул қилинишига 6 июнь куни Италия терма жамоасининг 2026 йилги Жаҳон чемпионати саралаш учрашувида Норвегияга қарши ўйиндаги катта ҳисобдаги мағлубият (0:3) сабаб бўлган.