Ўзбекистон U-23 терма жамоаси Францияга мағлуб бўлди

Равшан Ҳайдаров бошқарувидаги Ўзбекистон U-23 терма жамоаси июнь ойидаги ФИФА кунлари доирасида Франция олимпия терма жамоасига қарши ўртоқлик ўйинида майдонга тушди.

Ўйиннинг 31-дақиқасида рақиблар пенальтидан ҳисобни очди. 39-дақиқада Франция дарвозаси томон пенальти белгиланди ва Диуф огоҳлантирилди. Бироқ VAR орқали текширувдан сўнг пенальти бекор қилинди ва Диуфга кўрсатилган сариқ карточка ҳам бекор қилиниб, Ўринбоев огоҳлантирилди.

Биринчи бўлим Франциянинг кичик ҳисобдаги ғалабаси билан якунланди.