ОФК назорати: терма жамоамиздан 4 футболчи текширувда

Жаҳон чемпионати–2026 саралаш босқичидаги муҳим беллашув – БАА ва Ўзбекистон терма жамоалари ўртасидаги учрашув олдидан Осиё футбол конфедерацияси (ОФК) томонидан жиддий назорат ишлари амалга оширилмоқда.

5 июнь куни Абу-Дабидаги “Ал Наҳайён” стадионида бўлиб ўтадиган баҳс олдидан ОФК ўзининг расмий допинг-офицерини Ўзбекистон терма жамоаси жойлашган меҳмонхонага юборди. Маълумотларга кўра, офицер терма жамоа аъзоларидан тўрт нафар футболчини танлаб, улардан допинг таҳлили учун биологик намуна олмоқда.