Қашқадарёда “жиҳодчилар” гуруҳи фош этилди: жазо муддати маълум бўлди!

Қашқадарё вилоятида экстремистик фаолият билан шуғулланувчи ноқонуний диний гуруҳ фаолиятига чек қўйилди. Ўзбекистон Республикаси Давлат хавфсизлик хизмати ва ички ишлар органлари ходимлари ҳамкорликда ўтказган тезкор-қидирув тадбирлари натижасида “жиҳодчилар” диний экстремистик оқимига мансуб 8 кишидан иборат яширин жамоат аниқланиб, унинг фаолияти тўлиқ барҳам топди.

Маълум бўлишича, мазкур яширин жамоатга Қарши туманида яшовчи, 1977 йилда туғилган, ўта хавфли рецидивист етакчилик қилган.