OpenAI Джонни Айвнинг io стартапини $6,5 млрдга сотиб олди

OpenAI компанияси дизайнер Джонни Айв асос солган io стартапини $6,5 миллиардга сотиб олди, деб Habr хабар берди. Шу йўл билан компания сунъий интеллект асосидаги янги қурилмалар яратишни мақсад қилган.

Ушбу келишув ҳақида илк бор 2023 йили маълум бўлган, ўшанда Джонни Айв ва OpenAI бош директори Сэм Олтман янги, "AI даври қурилмаси" ҳақида музокаралар олиб боришган. Бироқ жараён фақат учрашувлар билан чекланганди. Энди эса келишув амалга ошди.

$6,5 миллиардлик битимнинг $5 миллиард қисми акцияларда тўланади.