Тошкентда юз берган чанг бўрони пайтида нималар содир бўлди?

17 май куни Тошкент шаҳри ва вилоятида кузатилган кучли шамол ва чанг бўрони нафақат об-ҳавони кескин ўзгартирди, балки шаҳар ҳаётига ҳам муайян даражада таъсир кўрсатди. Айниқса, Тошкентда ҳавонинг ифлосланиш даражаси жаҳон шаҳарлари орасида энг юқори кўрсаткичга етди.

Соғлиқни сақлаш вазирлиги ва Санэпидқўмита огоҳлантирди

Ўзбекистон Соғлиқни сақлаш вазирлиги аҳолини имкони борича очиқ ҳавода юрмасликка чақирди. Зарурат туғилганда “103” тез ёрдам хизматига мурожаат қилиш мумкинлиги таъкидланди.