Фазлиддин Эркинбоев Жаҳон бокс кубоги ярим финалига йўл олди

Польшанинг Варшава шаҳрида ўтаётган “World Boxing Cup” — Жаҳон бокс кубоги мусобақаси қизғин ва масъулиятли босқичга кирди.

Бу нуфузли халқаро турнирда Ўзбекистон терма жамоаси аъзолари юқори даражадаги маҳорат, жанговарлик ва техник тайёргарликлари билан алоҳида ажралиб турибди. Рингдаги ҳаракатлари нафақат мутахассислар, балки томошабинлар эътиборини ҳам тортмоқда.

-75 кг вазн тоифасида рингга кўтарилган ҳамюртимиз Фазлиддин Эркинбоев бугун бразилиялик Кауе дос Сантосга қарши жанг қилди.