«Рома»да Раньеридан кейинги давр: жамоани Гасперини ёки Фабрегас бошқарадими?

Клаудио Раньерининг ёзда мураббийлик фаолиятини якунлашини маълум қилишидан сўнг, римнинг «Рома» клуби янги бош мураббий қидирувини жадал давом эттирмоқда.

Италиянинг нуфузли нашрларидан бири — Football Italia’нинг хабар беришича, клуб раҳбарияти икки номзод устида жиддий тўхтаган: бу — «Аталанта»да самарали иш олиб бораётган тажрибали Жан-Пьеро Гасперини ҳамда ҳозирда «Комо» клубини бошқараётган собиқ юлдуз футболчи Сеск Фабрегасдир.

Ҳар икки мураббийнинг услуби ва футбол қарашлари тубдан фарқ қилади.