"АКШдан чыгып кетүү керек." Америкадагы мигранттар алган кат

CBP One тиркемеси аркылуу АКШга кирген мигранттарга жакын арада өлкөдөн чыгып кетишин талап кылган каттар келе баштады. Катта алар Америкада кала турган болсо, сот жообуна тартыла тургандыгы эскертилген. АКШнын Ички коопсуздук министрлиги мындай каттар жөнөтүлүп жатканын ырастап, эскертүүнү канча адам алганын тактаган жок. "Азаттык" АКШга Мексика аркылуу кирип, соңку аптада ушундай тариздеги кат алган кыргызстандык бир нече адам менен байланышты.