Пискентдаги техник кўрик навбатлари яна муаммога айланди

Пискентда жойлашган тест полигонида автомобильларни техник кўрикдан ўтказиш учун навбат олиш муаммога айланиб қолди, деб Nova24.uz хабар берди. Ушбу ҳолат юзасидан Давлат илмий синов ва сифат назорати маркази изоҳ берди.

Маълумотларга кўра, 20–25 март кунлари электрон навбат тизимига бир хил IP-манзиллардан жуда кўп сўровлар келиб тушган. Бу тизимнинг зўриқишига ва навбатдаги бўш жойларни ноқонуний равишда сотишга олиб келган. Фуқаролар тармоқларда навбатдан ташқари ўтиш учун 10 миллион сўм талаб қилинаётгани ҳақида маълум қилган.