Рәдиф Гаташ: Нәкый Исәнбәт бик зур белемгә ия булган, ул шагыйрьләргә эталон булып тора

Татарстанның халык шагыйре Рәдиф Гаташ Галимҗан Ибраһимов исемендәге Тел, әдәбият һәм сәнгать институтында язучы, шагыйрь, фольклорчы Нәкый Исәнбәтнең 125 еллыгына багышланган «Гуманитар фәннәр контекстында Нәкый Исәнбәт мирасы» түгәрәк өстәлендә катнашты. Шагыйрь фикеренчә, Нәкый Исәнбәт зур белемгә ия булган шәхес.

«Ул бик зур эрудиция, белемгә ия булган, шуңа күрә шагыйрьләргә әле дә эталон булып кала. Аны без бүген дә берничек тә куып җитә алмыйбыз әле. Өйрәнергә дә, өйрәнергә», - диде ул чыгышында.