د غزې روغتيايي چارواکي: اسراييلي ځواکونو غزه کې پر يوه روغتون د توپونو ډزې کړي
په غزه کې روغتیايي چارواکو ویلي چې، د اسرايیل ځواکونو نن سهار وختي د دغه قلمرو په شمالي ښار بیت لاهیا کې یو انډونیزیايي روغتون کلابند کړی او د توپونو ډزې یې ورباندې کړې دي.
د دغه روغتون مشر مروان سلطان وویل، د اسرايیل ټانکونو دغه روغتون په بشپړ ډول محاصره کړی، برېښنا یې ورباندې بنده کړې او د روغتون دویم منزل د توپونو په مرمیو ویشتل شوی دی.
بلخوا د غزې روغتیا وزارت ویلي چې اسرايیل د روغتون پورتني پوړونه په نښه کړي او زیاته کړې یې ده چې هلته د روغتیايي کارکوونکو تر څنګ تر ۴۰ ډېر ناروغان او ټپیان هم موجود وو.
Заголовки