فېنلينډ کې د لوبو د اسونو د ځغل سيالۍ شوي
په فېنلينډ کې له تېرو ۱۰ کلونو راهیسې هر کال په جون میاشت کې د ټوکانیو يا د لوبو د اسونو د ځغل نړیوالې سیالۍ کېږي. په سیالیو کې سږ کال له ۲۲ هېوادونو ورغلیو ۲۶۰ لوبغاړو برخه اخيستې وه چې د حقيقي اسونو په څېر يې په تېزۍ سره له پاټکونو د اوښتو مظاهره وکړه. د سیالیو منتظمین وايي چې په نړۍ کې خواوشا ۱۰،۰۰۰ کسان د لوبو د اسونو د ځغاستې لوبغاړي دي او تمه ده چې ډېر ژر به دا لوبه هم د یوې رسمي نړیوالې لوبې په حيث وپېژندل شي. د فرانس پرېس خبري اژانس له ويډيو جوړ رپورټ.
Заголовки