Девонанинг иши ёхуд чўнтагида бир чақаси йўқ икки мухбир саргузашти

Ўтган асрнинг 60–70-йилларида Қарши чўлини ўзлаштириш авжига чиққан эди. «Каршистрой» деган гигант ташкилот ҳам тузилган. Ўша пайтларда муайян таҳририятлар билан йирик ташкилотлар ўртасида ҳамкорлик ўрнатилди. «Ўзбекистон маданияти» газетаси «Каршистрой» билан ана шундай ҳамкорлик шартномасини имзолаган. Унга мувофиқ, газета Қарши чўлининг ўзлаштириш жараёнини мунтазам ёритиб боришни зиммасига олган эди. Шу боис таҳририят ходимлари чўлга тез-тез бориб туришарди...Камина ходимингиз ҳам бир неча марта борган...