Күп балалы хатын яңа туган кызын кырмыска оясына куеп калдырган

Курск өлкәсенең Фатеж шәһәрендә яшәүче күп балалы хатын яңа туган кызын кырмыска оясына куеп калдырган. Бу турыда НТВ хәбәр итте.

Кыз баланы очраклы рәвештә генә табалар. Берничә сәгать элек туган сабый кояш нурлары астында кырмыска оясы өстендә ята. Аның гомерен саклап калу өчен вакыт минутлар белән исәпләнә. Хәзер исә баланың исеме дә бар, аның кызлыкка алырга теләүче кешеләр дә табылган.

Гомеренең беренче минутларында нинди газаплар кичергәнен баланың тәнендә бөҗәкләр тешләгән һәм кояштан пешкән урыннар күрсәтә.