Венера Аитова «30-40-50» подкасты турында: «Без өчебез дә бер дулкында»

Бу подкастны яздыру кайсыгызның идеясе иде?

Венера Аитова: Мин - проектның җитәкчесе һәм идея авторы. Мин эшләмәсәм – моны башка кеше эшләр, бүген эшләмәсәк – кичә кирәк иде кебек уйлар булды миндә. Яздырганнан соң Зөлфия хәтта: «Мондый эш булырга тиеш иде. Бу юкка гына түгел», - диде. Безнең татар хатын-кызлары өчен подкаст әлегә юк иде. «Үзең карыйсы килгән әйберне эшлә» дип әйтәләр бит. Миңа калса, татар хатын-кызларына бу кирәк.

Сез бер-берегезне ничек табыштыгыз, ник нәкъ менә өчәү эшләргә булдыгыз?