Тальяфико Жаҳон чемпионати форматига норози

Аргентиналик футболчи Николас Тальяфико Жаҳон чемпионатининг янги форматига танқидий муносабат билдирди. Бу ҳақда у АҚШ пойтахти Вашингтонда мусобақанинг гуруҳ босқичи қуръаси ўтказилгач маълум қилди.

"Бу менга ёқмайди. Ҳатто Қатар Жаҳон чемпионати ҳам менга жуда узоқ давом этгандек туюлди.

У ерда масофалар деярли йўқ эди, ҳамма нарса яқин эди. Аммо бу сафар мусобақа бир ҳафта кўпроқ давом этади ва финалга қадар етиб борадиган жамоалар учун бу жисмоний ва руҳий жиҳатдан жуда қийин бўлади"...