Иректә ике тәүлек: Дагыстан кызларын Татарстанга нинди җилләр ташлаган?

Кызларга ватаннарыннан качарга ярдәм итүчеләр әйтүенчә, Айшат белән Патимат өйләрендә җәберләүгә дучар ителгән, шуңа күрә Казандагы кризис үзәгеннән аларны кемнәр «урлап» киткәнен ачыкларга ниятлиләр. Тагын бер каршылыклы версия буенча, имеш, кызлар күптән инде Казанны үз күзләре белән күрергә хыялланган.  «Безне таптылар…» Дагыстаннан килүче 20 яшьлек Айшат белән Патиматның исемнәре бу көннәрдә мәгълүмат чараларында еш телгә алынды. Кичә билгеле булганча, 18 октябрьдә кызлар Казанның «Әни йорты» («Мамин дом») кризис үзәгеннән юкка чыкканнар.