Прокуратура Устиновдун бөгөт чарасын жумшартуу боюнча сотко кайрылды
Москва шаардык соту 20-сентябрда актёр Павел Устиновдун бөгөт чарасын жумшартуу боюнча прокуратуранын арызын карайт. Бул тууралуу Устиновдун адвокаты Анатолий Кучерена «Интерфакс» маалымат агенттигине билдирди.
Москвадагы Тверь райондук соту 16-сентябрда Устиновду 3,5 жылга эркинен ажыраткан. Ал 3-августта, Москвада таза шайлоого чакырган митинг өтүп жаткан аймакка жакын жерде камакка алынган. Устиновго «аны кармоо учурунда Улуттук гвардиянын жоокерине кол салган, денесине залал келтирген» деген айып коюлган.
Заголовки