«Норманд төрттүгү»: Путин менен Зеленский туткун алмашууну макулдашты

Парижде 10-декабрда Украинанын чыгышындагы чырды басууну көздөгөн, Берлиндин, Париждин, Москванын жана Киевдин башын бириктирген «Норманд төрттүгү» форматындагы саммит өттү. Елисей сарайындагы сүйлөшүү узакка созулду жана тараптар төрт айдан кийин дагы жолугушууну макулдашты.  Андан кийин Орусия менен Украинанын президенттери Владимир Путин менен Владимир Зеленский биринчи ирет көзмө-көз кездешти. Алар 2019-жылдын аягына чейин ок чыгарбоо режимин камсыз кылуу, туткундардын баарын башма-баш алмашуу тууралуу макулдашты.